Хэмнэл | 2026.08.28 — Улаанбаатарын цагаар
12:12 орчим — Сарны хиртэлтийн оргил
12:18 — Тэргэл сар
8-р сарын 28-нд Загасны ордод Тэргэл сар мандах ба хэсэгчилсэн Сарны хиртэлт тохионо. Охин–Загасны тэнхлэг дээрх энэ хүчтэй хэмнэл юу дуусгаж, юуг суллахыг шаардах вэ?
8-р сарын 28-нд Загасны ордод Тэргэл сар мандахтай зэрэгцэн хэсэгчилсэн Сарны хиртэлт тохионо. **Улаанбаатарын цагаар хиртэлт 12:12 орчимд оргилдоо хүрч, 12:18 цагт Тэргэл сар яг болно.
Энэ бол наймдугаар сарын хамгийн том астрологийн үйл явдлуудын нэг.
Эхлээд нэг зүйлийг тодруулъя: Монголд харагдах уу?
Үгүй.
Энэ удаагийн Сарны хиртэлт Улаанбаатараас харагдахгүй.
Хиртэлт болох үед Сар манай нутгийн тэнгэрийн хаяанаас доор байна. Харин Америк тив, Европ болон Африкийн зарим хэсгээс энэ үзэгдлийг харах боломжтой.
Энэ бол маш гүн хэсэгчилсэн хиртэлт бөгөөд оргил үед Сарны гадаргын дийлэнх хэсэг дэлхийн үндсэн сүүдэрт орно.
Гэхдээ астрологийн тайлбарт тухайн үзэгдэл Монголын тэнгэрээс харагдаж байгаа эсэхээс үл хамааран Нар, Дэлхий, Сарны геометрийн байрлал болон тухайн мөчийн зурхайн зураг үзэгддэг.
Тэргэл сар юу илэрхийлдэг вэ?
Шинэ сар ямар нэг шинэ мөчлөгийн эхлэлийг илэрхийлдэг бол Тэргэл сар ихэвчлэн:
- үр дүн харагдах
- нуугдсан зүйл тодрох
- мэдрэмж оргилдоо хүрэх
- шийдвэр боловсрох
- нэг мөчлөг дуусах зэрэгтэй холбоотой.
Харин хиртэлт давхцах үед энэ сэдэв илүү том хэмжээнд, хүчтэй мэдрэгдэж болно.
Ердийн Тэргэл сар хэдхэн өдрийн хүчтэй хэмнэл байдаг бол хиртэлттэй холбоотой өөрчлөлтийн сэдэв **илүү удаан хугацаанд үргэлжилнэ **гэж зурхайд үздэг.
Яагаад Загасны орд чухал вэ?
Энэ Тэргэл сар Загасны ордод мандаж байна. Загас нь:
- мэдрэмж
- зөн совин
- энэрэл
- мөрөөдөл
- төсөөлөл
- итгэл
- төгсгөл
- тавьж явуулах сэдэвтэй холбоотой.
Түүний эсрэг талд Нар Охины ордод байрлана. Охин нь **эмхэл, цэгцэл, зас, ойлго, хяналтдаа ав **гэж хэлдэг. Харин Загас **бүх зүйл чиний хяналтад байх албагүй **гэж сануулдаг.
Энэ хоёрын хоорондох тэнцвэр бол өнөөдрийн гол сэдэв.
Бүх зүйлийг засаж болдоггүй
Охины хэмнэл биднийг янз бүрийн зүйлсээ сайжруулахад тусалдаг. Алдаагаа олно. Систем бий болгоно. Бодит шийдэл хайна. Гэхдээ амьдралд бүх асуудал хүснэгт, төлөвлөгөө, сахилга батаар шийдэгддэггүй.
Заримдаа:
- хүнийг өөрчилж чадахгүй
- өнгөрснийг засаж чадахгүй
- бүх хариултыг олж чадахгүй
- бусдын өмнөөс шийдвэр гаргаж чадахгүй
- ямар нэг зүйл дууссаныг хүлээн зөвшөөрөх хэрэгтэй болдог.
Загасны хиртэлт яг үүнийг сануулна. **Хяналтаа сулруулах нь бууж өгч байгаа хэрэг биш. **Заримдаа хэрэггүй тэмцлээ дуусгаж байгаа хэрэг.
Ямар хэмнэл мэдрэгдэж болох вэ?
Энэ өдрүүдэд сэтгэл хөдлөл ердийнхөөс хүчтэй санагдаж магад.
- Хуучин дурсамж эргэн орж ирэх.
- Өмнө нь үл тоож байсан мэдрэмж тодрох.
- Ядарч байгаагаа гэнэт ойлгох.
Ямар нэг хүн, ажил, нөхцөл байдалтай холбоотойгоор **“Би үүнийг цааш ингэж авч явж чадахгүй юм байна.” **гэсэн ойлголт төрж болно. Энэ нь заавал харилцаа дуусна, ажил солигдоно гэсэн үг биш. Заримдаа дуусгах ёстой зүйл нь бидний хуучин хандлага байдаг.
Юуг тавьж явуулах хэрэгтэй вэ?
Өнөөдөр өөрөөсөө дараах зүйлсийг асуугаад үзээрэй:
- Би юуг хэтэрхий их хянах гэж оролдож байна?
- Миний үүрэг биш зүйлийг би үүрээд явж байна уу?
- Нэг асуудлыг аль хэдийн дууссан байхад би дотроо үргэлжлүүлээд байна уу?
- Би өөрийнхөө мэдрэмжийг ажил, завгүй байдал, логикоор дараад байна уу?
- Юуг тавьчихвал надад зай гарч ирэх вэ?
Хариултыг заавал өнөөдөр олох шаардлагагүй.
Зүгээр л асуултыг өөртөө тавихад хангалттай.
Өнөөдөр юу хийхэд тохиромжтой вэ?
Энэ бол заавал шинэ том төсөл эхлүүлэх өдөр биш. Харин:
- дуусгаагүй зүйлээ дуусгах
- хэрэггүй зүйлээ хаях
- амрах
- ганцаараа бодох
- тэмдэглэл хөтлөх
- ус, байгальтай ойр байх
- сэтгэлээ сонсох
- өөрийн хяналтаас гадуур зүйлийг хүлээн зөвшөөрөх зэрэгт тохиромжтой.
Хэрэв сэтгэл хөдлөл өндөр байвал шууд том шийдвэр гаргахын оронд эхлээд юу мэдэрч байгаагаа ойлгох нь дээр.
Өглөөний нэг чухал хэмнэл
Энэ Тэргэл сар, хиртэлтээс өмнө **01:03 цагт Нар, Буд хоёр Охины ордод яг нэгдсэн. **Тиймээс өнөөдрийн сонирхолтой дүр зураг нь **эхлээд ойлголт → дараа нь мэдрэмж. **Толгойдоо нэг зүйл ойлгосны дараа зүрх сэтгэл араас нь хүлээн зөвшөөрөх шаардлагатай гэсэн үг. Эсвэл сэтгэлдээ удаан мэдэрсэн зүйлдээ эцэст нь нэр оноож чадна.
Хиртэлтээс айх хэрэгтэй юу?
Үгүй.
Хиртэлт бол “муу зүйл болно” гэсэн дохио биш.
Зурхайн хувьд хиртэлтүүдийг өөрчлөлт хурдсах, тодорхой зүйл ил гарах, нэг мөчлөг нөгөөгөөр солигдох үе гэж хардаг. Харин бидний хувьд хамгийн зөв хандлага нь юу болохыг айж хүлээх биш, аль хэдийн өөрчлөгдөж байгаа зүйлээ ажиглах явдал юм**.**
Хэрэв нэг хаалга хаагдаж байгаа бол тэр хаалгыг хүчээр бариад байх шаардлагагүй байж магад. Зай гарсны дараа дараагийн зүйл орж ирнэ.
Өнөөдрийн түлхүүр үг: Бүхнийг хянах шаардлагагүй. Зарим зүйлийг ойлгоод, заримыг нь тавьж явуул.