Хэмнэл

Гараг эрхсийн хөдөлгөөн, мөчлөг, цаг үеийн энерги ба орчлонгийн хэмнэлийн тухай богино мэдээ, тэмдэглэлүүд

Сүүлийн мэдээнүүд

Гараг эрхсийн хөдөлгөөн, сарны мөчлөг, цаг үеийн энергийн тухай шинэ тэмдэглэлүүд

10-р сарын 20 — Сугар, Дэлхий вангийн квадрат: Хуучин хайр, мөнгө, хяналтын асуудал яагаад дахин сөхөгдөж байна вэ? - 10-р сарын 20-ны 14:56 цагт ухарч буй Сугар Дэлхий вантай квадрат өнцөг үүсгэнэ. 9-р сарын 16-нд Сугар шулуун хөдөлгөөнтэй байхдаа Дэлхий вантай квадрат үүсгэж байсан тул энэ өнцөг бидэнд танил. Харин одоо Сугар ухарч байгаа учраас тухайн үед гарч ирсэн: хайр итгэлцэл мөнгө атаархал хяналт үнэ цэнэ гэсэн зарим сэдэв дахин сөхөгдөж болно. Энэ удаагийн гол асуулт: “Яагаад энэ асуудал буцаад гарч ирэв?”
10-р сарын 19 — Эхний тал сар: Эхлүүлсэн зүйлээ бодит амьдрал дээр шалгах үе - 10-р сарын 19-ний 00:12 цагт Сар эхний хагас фаздаа орно. Энэ бол 10-р сарын 10-ны Жинлүүрийн Шинэ сараас хойших сарны мөчлөгийн дараагийн чухал үе юм. Сарны шинэ дээр бид: “Юуг эхлүүлэх вэ?” гэж асууж байсан бол эхний тал сар буюу шинийн 8-нд: “Эхлүүлсэн зүйл маань бодит амьдрал дээр ажиллаж байна уу?” гэж шалгана.
10-р сарын 16 — Дэлхий ван шулуун хөдөлгөөнд орно; Ангараг Санчиртай тригон үүсгэнэ: Дотроо боловсруулснаа бодитоор хэрэгжүүлж эхлэх үе - Өнөөдөр хоорондоо сайн уялдах хоёр чухал хэмнэл дараалан тохионо. 10:40 — Дэлхий ван шулуун хөдөлгөөнд орно 16:32 — Ангараг Санчиртай тригон үүсгэнэ Нэг нь сүүлийн хэдэн сарын турш дотроо боловсруулсан өөрчлөлтийн чиглэлийг эргүүлнэ. Нөгөө нь тэр өөрчлөлтийг тэвчээр + бүтэц + бодит үйлдэл болгоход дэмжлэг өгнө.
10-р сарын 15 — Нар, Бархасбадийн секстиль: Том зургаа харах, боломжоо тэлэх өдөр - 10-р сарын 15-ны 16:21 цагт Нар Бархасбадьтай секстиль буюу 60 градусын таатай өнцөг үүсгэнэ. Нар нь бидний зорилго, өөрийгөө илэрхийлэх байдал, амьдралын чиглэлийг харуулдаг. Бархасбадь: өсөлт боломж мэдлэг тэлэлт итгэл алсын хараа зэрэгтэй холбоотой. Энэ хоёр таатай холбогдоход өдөр тутмын жижиг асуудлаас түр холдож: “Би цаашаа хаа хүрмээр байна?” гэдгээ илүү тод харахад дэмжлэг өгнө.
10-р сарын 15–16 яагаад онцгой вэ? — Өсөлтийн боломж нээгдэж, удаан зогссон өөрчлөлт хөдөлнө - Ирэх хоёр өдөр хоорондоо маш сайн уялдсан гурван чухал хөдөлгөөн дараалан тохионо. 10/15, 16:21 — Нар Бархасбадьтай секстиль үүсгэнэ 10/16, 10:40 — Дэлхий ван шулуун хөдөлгөөнд орно 10/16, 16:32 — Ангараг Санчиртай тригон үүсгэнэ Эдгээрийг нэгтгэвэл: боломжоо хар → юу өөрчлөгдөх ёстойг ойлго → бодитоор хөдөл гэсэн дараалал гарч байна.
10-р сарын 3–4 яагаад онцгой вэ? — Хайр, хүсэл, хяналт ба бодит хязгаар нэг дор хөдөлнө - Энэ амралтын өдөр хэд хэдэн хүчтэй хэмнэл давхцаж байна. 10/3, 15:16 — Сугар Хилэнцэд ухарч эхэлнэ 10/3, 18:39 — Ангараг Дэлхий вантай эсрэгцэнэ 10/4, 20:29 — Нар Санчиртай эсрэгцэнэ
9-р сарын 28 — Ангараг Арслангийн ордод орно: Өөрийгөө харуулах, зоригтой хөдлөх эрч хүч нэмэгдэнэ - 9-р сарын 28-ны 10:49 цагт Ангараг Мэлхийн ордоос гарч Арслангийн ордод орно. Ангараг нь үйлдэл, хүсэл, зориг, өрсөлдөөн, эрч хүчийг илэрхийлдэг. Мэлхийн ордод байхдаа энэ эрч хүч илүү дотогш, мөн гэр бүл, аюулгүй байдал руу чиглэж байсан бол Арсланд ороход “Би юу хүсэж байгаагаа харуулъя” гэсэн өнгө аяс нэмэгдэнэ.
9-р сарын 26–27 яагаад онцгой вэ? — Бүдэг зүйлс тодорч, Хонины Тэргэл сар “Би”-г сануулна - Энэ амралтын өдрүүдэд гурван чухал хэмнэл дараалан тохионо. 9/26, 09:36 — Нар Далай вантай эсрэгцэнэ 9/26, 13:34 — Нар Дэлхий вантай тригон үүсгэнэ 9/27, 00:49 — Хонины ордод Тэргэл сар мандана Хэдхэн цагийн дотор эргэлзээ → гүн ойлголт → тодорхой байдал гэсэн сонирхолтой дараалал үүсэж байна.
9-р сарын 23 — Нар Жинлүүрийн ордод орно: “Би”-гээс “Бид” рүү анхаарал шилжинэ - 9-р сарын 23-ны 08:05 цагт Нар Жинлүүрийн ордод орж Жинлүүрийн улирал эхэлнэ. Нар Жинлүүрт орох мөч нь дэлхийн бөмбөрцгийн хойд хагаст намрын тэнцлийн үе бөгөөд өдөр, шөнийн урт ойролцоо болох улирлын эргэлтийн цэг юм. Зурхайн бэлгэдлээр ч тэнцвэр гэсэн агуулгад яг тохирно. Сүүлийн нэг сар Охины орд “Юуг засах вэ? Юуг илүү сайн болгох вэ?” гэж асууж байсан бол Жинлүүр: “Энэ бүхний дунд бусадтай яаж зохицох вэ?” гэж асуух болно.
9-р сарын 21 — Буд, Бархасбадийн секстиль: Том зургаа харж, санаагаа зоригтой хэлэх үе - 9-р сарын 22-ны 06:51 цагт Буд Бархасбадьтай секстиль буюу 60 градусын таатай өнцөг үүсгэнэ. Энэ хэмнэл 9-р сарын 21-нээс мэдрэгдэж эхэлнэ. Буд нь бодол, мэдээлэл, яриа, суралцах үйл явцыг илэрхийлдэг бол Бархасбадь аливааг тэлэх, том зургаар харах, мэдлэг туршлагаа өргөжүүлэхтэй холбоотой. Энэ хоёрын таатай холбоо нь “Энд яг юу болж байна?” гэсэн Будын асуултыг “Цааш нь үүнийг яаж хөгжүүлж болох вэ?” гэсэн Бархасбадийн уужим өнцөгтэй нийлүүлнэ.
9-р сарын 18 — Хэцүү үнэнийг бодитоор харах өдөр - Өнөөдөр хоёр өөр хэмнэл нэг сэдэв дээр нийлж байна. 09:52 — ухарч буй Хирон Хонины ордод буцаж орно 18:00 — Буд Санчиртай эсрэгцэнэ Нэг нь бидний хуучин эмзэг цэгийг хөдөлгөж нөгөө нь **бодол, үг, бодит байдлын хоорондох зөрүүг **харуулна. Тиймээс өнөөдөр зарим яриа ердийнхөөс арай хүнд санагдана.
9-р сарын 16 — Сугар, Дэлхий вангийн квадрат: Хайр уу, хяналт уу? - 9-р сарын 16-ны 02:35 цагт Сугар Дэлхий вантай квадрат өнцөг үүсгэнэ. Сугар бол хайр, харилцаа, мөнгө, таашаал, үнэ цэнэ. Дэлхий ван бол хүч, хяналт, далд зүйл, гүн өөрчлөлт. Энэ хоёр хурц өнцөг үүсгэхэд өнгөцхөн орхисон асуудал **“Одоо намайг хар.” **гээд гараад ирэх шиг болдог.